محمود عمار الزلباني
أنا وقلبى
ــــــــــــــــ
يا قلبى ياللى مسكنك جنبى
ونازل هدم فى ضلوعى
نعم
ايه الموضوع –لو انت موجوع 0
عرفنى سبب وجعك
أرجوك ضلعى مش حامل
وعامل نفسي بأتحمل
كفايه عليا العيون اللى مش ناويه
تجيبها البر
أجيبها يمين تروحلى شمال
على ناس عمرها ما صانت سر
طب دا انت ساكنى فى بطن أمى
من بدرى وبرضه نزلت وييايا
ولسه ما فاهمنى
ومستنى أشرحلك أنا مين
أنا اللى الزمن خد منى ولا ادنى
خد منى سنين فاتت
محسوبه عليا وبس
خد صمتى وسكوتى – ادى عنوانى
لحد بيا ما حس
لقيت نفسى انا المسجون وعيونى سجانى
حرمونى من طله على بكره
اللى لسه ما جاش
وخلونى عايش ماضى عدى منى بلاش
طب مأنت كنت معايا وعامل نفسك الواعظ
وكنت قصاص الاثر ليهم
وتاريهم كانوا مشاورينك
ان خطوا خطوة تعرفها ولا أعرفهاش
لو مالوا برضه بتدبيرك
وأنا مسكنك جنبى بقى لى سنين!!
وكنت معايا فى الغربه
بقيت تهرب ولا تقولى رايح فين
أجرى على عيونى أسألها
قلبى تاه منى
يبصولى وفيك تاهمنى
ولما تعودأحس ضلوعى وجعانى
وأعرف انك لسه فاكر العنوان
أرجوك بلاش الخبط فى صدرى
وخفف عنى دمع العين
أنا عايش فى محرابكم
كما الناسك
المسكين
أدعى –ونفسى أسمع منكم
بس 0أمين-
أرجوكم نفسى أعيش لى حتى يومين
نفسى أكون انا الولهان
ومش قائد ثورة الاحزان
ومش خايف من السجان
وكل منايا تنسونى
وأديك عارف العنوان
--------------------------
