محمود عمار الزلباني
روح الروح
-------------
عديت بحور الصبر
أنادى وأقول انتى
شراعى ومجدافى
وقلبك يا أمى سفينتى
احساسى بيكى كبير
يا سر الوجود انتى
رويتينى من عطفك
وعمرك عليا ما بحلتى
لو قولت فى يوم الأه
ألقاكى جنبى ما نمتى
بتبدلى الدمعة بالبسمة
وحتى فى قسوتى لنتى
تحاولى تخففى عنى
همى يا أمى يا حبيبتى
تداوينى بكلمة حنان
يا بر الأمان كونتى
ألمى معاكى بيهون
يا ساكنه الجفون انتى
حب الوطن والدين
والناس ليا علمتى
يا شمعة أمل فى
طريق الخير نورتى
يا أجمل وأطهر قلب
لو خاف قلبى طمنتى
دأنا مهما أقول وأتكلم
بقولك حتى فى صمتى
روحك دى أعظم روح
ياأمى يا غالية يا حبيبتى
ربك فى الكتاب ذكرك
ووصانى أصون عهدك
وأخدم تراب قدمك
وأدعى ربنا يصونك
يا غالية وأشوف سعدك
وأنول الرضا منك
يا روح الروح
ياأمـــــــــى
يا أمى
