محمود عمار الزلباني
==بلاش===
-----------------
بلاش الغمز بالحاجب
دا أنا فى الهوى
ميت بقى لى سنين
قدمت كفنى ومش عاجب
وسيبت وصية وكان
شاهد عليها اتنين
القلب اللى ساكن حدى
ضلوعى
ودمع السهاد وأنين
فى قلب عيونك
يكون لحدى
قريب جنب ننى
العين
وتصلى عليا برموشك
وبلاش تفتحى كفنى
وبلاش الدمع يكوينى
خلينى فى عيونك كده
مرتاح
ولو فكرتى تزورينى
أو ناويه تحاسبينى
بلاش ارجوكى تعاتبينى
دا جوى قلبى
اسرارك
وأنا شارى
بلاش أنتى تبيعينى
وأنا حاسس انى فى الجنه
بلاش ترمينى فى نـــــارك
اختارك
قلبى من بدرى ووصانى
أموت فيكى
حتى لو انتهى عمرى
ها عيش
برضه فى عنيكى
بلاش الغمز بالحاجب
دا أنا الدايب
صدقينى ها موت
لو موتى
هايغنيكى
----------
