محمود عمار الزلباني
((((((((( دمعة -ابن - الشهيد )))))))
*****************************
عليك يا بابا ألف دمعه وألف أه
فينك يا بابا-يا أحلى شمعه
يا قلبى فين ألقاه
فى الصبح يا با بوستلى
خدى
وعلى اخواتى بتوزع حنان
تدى
تقول انتو حياتى واغلى
ما عندى
وتقول لماما
عشانكو بالروح أنا
أفدى
-----عليك يا بابا ألف دمعه وألف أه
ما كونتش اعرف ان دى
بوسة الوداع
أه يا بابا وأه يا عمرى اللى
ضاع
واقف فى حالك
والسهم جالك
من جبان خداع
على خدى سالت دمعتى
تكوى مكان بوستك
وياك دفنت ضحكتى
ويوماتى أستنى رجعتك
طال انتظارى ف وحدتى
مشتاق يا بابا-للمستك
عيون ماما ملياها الدموع
بأسألها ليه اخرت الرجوع
ردت بكلمه تكويلى الضلوع
رصاصه غداره
منها الايمان منزوع
ضاع منها صوتك المسموع
وخلت حنانك يا بابا ملهش رجوع
------ عليك يا بابا ألف دمعه وألف أه
بعد منك فين الحنان ألقاه
وغصب عنك فراقنا
يرحمك -------- الله
يرحمك------- الله
