أخر قوة ف روحى
من فوق جدران القلب
بتصحي مشاعرى المدفونه
القانى بفوق
وبصوتى ينده جواكى
وبحس بصوتك ينده جوايا
ومشيتي ولا سلمتيش
مع انك قولتى انك راجعه
يتصبر بيه القلب ف بعدك
ماسبتش ايديكي على السطر كلام
وبحور الشعر بتعلن لستسلام
دى الشمس بتترجا القضبان تتملى بنورك
ولغتى
بتأكد انها جاهلة
وحزين الجفن اللى مضمش صورتك لعنيه
والحبر بيبداء بينه وبين السطر عداوه
وانا ايه من غيرك
غير حبه حبر اترسموا حروف
قلبي المفتوح ميادين وشوارع
غير خوف مطمن انه ف حضن الخوف بيعيش
السما مش قابلة عزاها ف روحك
والعمر انا رافض اعيشة من غير روح
بتوضي واصلي عليا
معدتش الانوار سكناه
ولا عدش الفرح يلون جدرانه
مبقاش مفروش غير اشباح
بتزلزل جسمي
بتكفن روحى
من خوفى
القيني الاول ف الصفحة
وادفنى ف غربة ايامي
و ف صف طويل واقف
باخد ف عزايا
وف اخر شط من الكوابيس
بلقيكي قصادي
اجرى بأخر قوة ف روحى
وتلبي ندايا
ممنوع حتى انى ازورك
واتملى بنورك
ممنوع انى اغسل روحى بطهرك
مع انى مش قادر على بعدك
هستني
جايز يتحقق حلمى ف يوم
واطوف جواكى
والاقي ايديكي بتحضني
واطوف جواكى
