محمد حسين الزين
أنا عن نفسى مش ناسى
___________________
أنا عن نفسى مش ناسى ..
وإنتى أكيد بتتناسى
ورغم البعد والأشواق ..
ورغم إنى إستويت بفراق
ورغم إنك بتتظاهرى ..
بعندك تكسرى ضهرى
أنا فاكرك
وأنا حابك
وأنا لحبك مانيش ناسى
لكنى ف بعدك إتعودت ..
أعيش .. أصبر .. سكوتى هوا أنافسى
مابأقطعهوش
ولو حكمت
انا نفسى بخاصم نفسى مع نفسى
وماكلمهوش
ولما ف يوم آجى أدور على نفسى
بالاقى نفسى مفيش و فاشوش
لكنى برضه مش ناسى
وشايلك جوا إحساسى
و راضى ببعدك الآسى
فاماتزيديهوش
واملى اللى بيسندنى
وحلمى اللى معاندنى
وحبى اللى مقيدنى
ماتقتليهوش
لانى بجد مش ناسى
وإنتى اكيد بتتناسى
