مصطفي إبراهيم
قبل النوم بشويه وقت
بتسال روحك تسألها
وترد تقول انت مصدء
ع كل قرار خلاك معدم
خلاك معدن
خلاك ولا شيىْ
خلاك بتسيىْ
دايماَ للاسوء
وبقى مبدأ عندك
تاخد جنب
وتسيب ف حاجات
وبترسم قلب
وجمبه فراغ
وتعاتب روحك تلعنها
وبتضحك
فتقول الواد اتجن
فالرد يكون طبعا لاءا
قبل النوم بشويه بساط
بتقضيه اكتر ف عياط
وزعيق
للناس اللى باعوك
وتوطى ف صوتك علشان
خايف ليكونوا سمعوك
لتقلب جد
وترجع وحدك
وسريرك يضيق ومساحتك
مش حتكفيك
فبتكست وتكمل ف خناق
مع شرط اساسى انك
لازم
تفضل كما كنت
قدامهم بتبان فعلا عادى
قدامك انت خلاص مت
