ناسى عمر الهجر كام
محمد البلاط
( ديوان هموم )
اتصلبت فى وهم حبه
و فات عليا ما قال سلام
باعنى بيعه ابو قلب قاسى
وناسى عمر الهجر كام
اتصلبت فى وهم حبه
والمرار بايديه صبه
وافتكرته منه حبه
صبه ليا فى كاس حنان
باعنى بيعه ابو قلب قاسى
وناسى عمر الهجر كام
و لعبة الاوهام براسى
وفى الوريد حساه كمان
وقلبى من حبى شاريه
ورغم انى كلى ليه
باعنى بيعه ابو قلب قاسى
والخداع فكرته ورده
بيها بيداعب حواسى
فوقت منها النهرده
حاسه تاج من شوك فى راسى
و بتحوطنى ارض بور
لا في شمس ولا ظالمه
ولا شايفه حتى نور
وصليب وخداه فى حضنى
وبنتظر غربان تثور
باعنى بيعه ابو قلب قاسى
والمرار بايديه صبه
وافتكرته حب قلبه
صبه ليا فى كاس حنان
والثماله ليها حاله
لعبة الاوهام براسى
و اتصلبت فى وهم حبه
و فات عليا ما قال سلام
باعنى بيعه ابو قلب قاسى
وناسى عمر الهجر كام
ناسى عمر الهجر كام
