بلعن الحب
محمد البلاط
من ديوان ( تجار الحب )
..........................................
بلعن الحب اللى صابنى
يوم ما صادفت عينيك
اتخدعت فى وهم حبك
واللى فيك اهو لسه فيك
لو فيه نيه تكون كريم
مش لائيم تفتح جراحى
قلبى بيصفح قريب
وانت بتتديق براحى
وشيلت همى جوه قلبى من عمايلك
قولت جايز مر صبرى فى يوم يعالجك
وادعى ربى وقت كربى
يجيى يوم يخف عنك
وارسم البسمه فى وجهى
يمكن اقدر يوم اعاتبك
وجوه قلبى نار قايدها
بانفعالك و بايديك
والغضب هو الغضب
واللى فيك اهو لسه فيك
وتشكى منى للبشر
الف كذبه وشىء حصل
و اللى بينا اتكسر وبدادى فيك
بلعن الحب اللى صابنى
يوم ما صادفت عينيك
اتخدعت بكلمه منك
قلبى حن ساعتها ليك
عقلى غاب وتركت قلبى
تعمله لعبه فى ايديك
والنهرده وبعد غدرك
جاى تقول ان انا ليك
وجوه عينيك شايفه غدرك
شايفه بتججد عمايلك
منتظر منى اسامحك
ولا اطبطب يوم عليك
لو فيه نيه تكون كريم
مش لائيم تفتح جراحى
قلبى بيصفح قريب
وانت بتتديق براحى
بلعن الحب اللى صابنى
يوم ما صادفت عينيك
