ملقاش حد يقوله بحبك
مازن
ملقاش حد يقوله بحبك.... راح واخد نفسه ومنفسح كمان جاب ورده ودبوب ودخل ف كافيه يعزم نفسه علي قهوه وسكره يدوب طلع ورقه كتبله جواب ورسم علي طرطفيها قلوب خد بعضه وقام علشان يمشي بس علي الترابيزه نسيها جت بعده زبونه ولقيتها إفتكرت إنها بقا ليها ومفاجأه من حد حابيبها فرحت وقتها اوي اوي بيها اما اخينا فكان ف الشارع و ف ايده الدبدوب والورده وقعت منه الورده ف زحمه قدام بلكونه واحده مدت ايدها بسرعه خدتها وافتكرت انها هديه من مفاجأه من صاحبتها علشان خصمتها فرحت وقتها اوي اوي بيها مسكتها بأيدها وحضنتها اما اخينا فكان ف الشارع قرب يوصل والشمس بتهرب لغروب حط ايده ملقاش الورده وللا جوابه ف اي جيوب بص قصاده شاف عيل واقف بيعيط قربله وطبطب علي كتفه وقوام اداله الدبدوب```
