دموعك عذابى ولكن خلاص
محمد أكبر
دموعك عذابى ولكن خلاص
حكايتى معاكى دى من غير أساس
غرامنا وكلامنا معاه إنسجامنا
وليالى سهرنا مانعرف نعاس
دى كانت حكايه وخلصت خلاص
هاحاول اجهز فى قلبى مكان
وعفشك هاشيله فى ركن الأمان
وهافرش مكانه وحطيانه سواد
وهادهن جراحه بلون الإيمان
حكايه هاتفضل مر الزمان
حكايه وفيها الحنان والحنين
وياما سهرنا فيها قلقانين
نفكر ونحلم وشوقنا ياخدنا
وأحلامنا دايما كانت نسختين
حكايه وخلصت ببعد آنين
حكايه قديمه
