الرئيسية » » مجنون بيلاغي خرسا | محمد عطية محمد

مجنون بيلاغي خرسا | محمد عطية محمد

Written By Unknown on الأربعاء، 8 أبريل 2015 | 8:10 م


مجنون بيلاغي خرسا
محمد عطية محمد



رباعيات الأحزان (( مجنون ))
( للحزن في قلبي مكان )

مجنون بيلاغي خرسا .. . .. عشقها وحبها


وازاي يقدر يفرق .. . .. بين ايدها ورجلها

أعمى بيحب طرشه .. . .. طلبها للجواز

أحلامه كتير بسيطه .. . .. قله وباجور الجاز

مراية الحب عميا .. . .. مشروخه ألف شرخ

وقلوب الناس حزينة .. . .. مجروحة بألف جرح

يازمان قاسي علينا .. . .. ورامينا وسط نار

غارقين في دموع عنينا .. . .. ذايقين مر المرار

أحلامنا فينا ماتت .. . .. ما فضلش غير سراب

واللي ما بنا ساكن .. . .. ألبومه والغراب

والعنكبوت معشش .. . .. في السقف وعلى الحيطان

وجراد الكره لينا .. . .. بيبور في الغيطان

عيان بيداوي ميت .. . .. كان نفسه يسعفه

لكن كان غصب عنه .. . .. بايده يموته

يا دنيا مغلبانه .... .. .... يا دنيا متوهانه

يا دنيا معذبانه ... .. .... يا دنيا مجرحانه

بدايتها والنهاية .. كده زي بعضها

بدايتها والنهاية .. طولها في عرصها




التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.