ازينت الارض | محمد غنيم

Written By Unknown on الأحد، 12 يوليو 2015 | 7:26 م

ازينت الارض يومها في أبهي صورة كان في ضرورة يومها لكل حاجة بتتعمل طب ايه المناسبة ؟! المناسبة إن الرسالة ضروري حتماً تكتمل وإن الخطيئة الاولي كان مسبوق علمها وإن الخليفة ف الجنة كان دوره انتهي ادم الارض هي موطنك منها اتخلقت ادم النسل اصله هيسألك من فين بدأت ؟ ادم الارض تبذل جهدها في كل حاجة الارض تكره شئ اسمه الاعادة دورك اللي هتاخده منها مش كبير يابن ادم ........ حبة وتقع ادم ولامرة كان حمل الخدع قابيل من صلب ادم اول من خدع مشهد القتل المروع وقتها كان شئ جديد خبرة الارض العتيدة في التعامل لن تفيد نادي المنادي من بعيد

إن الجريمة لن تفيد إن الجريمة لن تفيد إن الجريمة لن تفيد قالها تلات مرات واختفي ادم ولا مرة كان حمل الجفا ادم ومفطوم عل وفا الشر كان كامن ساعته في زرعة قابيل شهقت طيور السما زعقت بشكل مثير اللي انقتل كنت أنا إن لم يكن في بديل في مشهد الملحمة شبه قارون بِ قابيل

ادم ليلتها بات حزين والدموع نزلة بغزارة هابيل يموت ؟! هابيل يموت ؟! هابيل خسارة هز الغوازي ابتدي والدق فين ما تسير في شئ من المهزلة لم يكن لُه مثيل والحق ع اللي ابتدي الحكمة في المواويل اللي انفطم عل الخنا صعب انه يبقي امير قابيل وتاه بعدها ضاقت عليه الارض يجوبها من شرقها يجوبها طولها وعرض

طفش الغراب من السما والكل بان مكشوف عريانة وملثمة وسط المعاني تطوف بتقول كلام لو يتسمع يتوب قليل الشوف عن اي مكر وخدع ... ما في كل حته دليل ساقطين علي وشهم هايمين في وادي النيل لسه الكلام راح ينكتب ...بالدم والخرطوش لسه القتيل راح ينقتل ..... فهمتوا ؟ مفهمتوش! صوت الغناوي المحزنة ترانيم طرب مطوش كل الحكاوي الممكنة بترج صمت قتيل

ازينت الارض | محمد غنيم

Written By Unknown on الأحد، 12 يوليو 2015 | 7:26 م

0 التعليقات:

إرسال تعليق

التسميات

المنجز الشعرى

القصائد الأعلى قراءة هذا الأسبوع

قصائد أخرى