مملكة الخيال
من ديوان مملكة الخيال
من ديوان مملكة الخيال
شمس ف عنيها والقمر ..
أجمل جبين
والورد ونجوم السما ..
فى المملكة .. متحيرين
لو تبتسم
تبكى الأغانى م الفرح
لو تبكى يبكيها البكا..
والحزن يسكن دمعتى ..
واعطش حنين
نظرتها بحر وموجه بينادى الغريق
والجفن خيمة م الدهب
والرمش حارس ..ع الطريق
والخد لولى والنعومة معركة..
بين القرنفل والحرير
أما الشفايف ..
مسك متدوب فى نار
والنكهة خمرة معتقة
معصورة من شهد الخجل ..
والحمرة راية .. إنتصار
والشعر ثورة ..
من ليالى ومن عبيد
تاج المحيا ..
صورة حية م الأصالة ..
وانتصارات الجديد
موجة على رقبة نفرتيتى الجميلة مهفهفة
موهوبة سبحانه اللى واهب حسنها
مرسومة أجمل حاجة حد يحسها
ع الكتف وشم
وشامة فص من الياقوت
وإيديها مهد وكفها من رقته
خلى الجواهر نفسها ..
تسكن صوابعه وتتملى..
بيها الشوارع.. والبيوت
وف صدرها ..
أحلى الجناين .. جنتين
رمانة جنب التانيه والنبت اللى طارح ..
حبتين
والضهر كوكب وردى ..
وعنيه الفضا
والخصر غصن بينحنى ..
بالعدل ملو الكفتين
والبطن أحلى مخدة من ريش النعام
راحتى ودوايا والأمل ..
فى الإنسجام
دنية مفاتن .. علمت قلبى الهوى
والوقفة .. تعظيمة سلام
أجمل غزالة ومشيها ..
فى القلب عامل مهرجان
رجليها مرمر ..
والخطاوى زلزلت بيا المكان
والكعب ماسى والصوابع ..كهرمان
متقسمة ..
والقسمة حق وحقها ..
غالى وكتير
والفن ساكن فى الأماكن كلها
والحسن مفعولها الخطير
هيّ اللى دورت بكيانى عنّها
وف حضنها ..
بانسى الدقايق ..والسنين
رمز البراءة والجراءة..
والشقاوة والدلع
واللعب بعقول الضحايا المغرمين
لو تلتفت..
كل النسايم تلتفت
والجو يتحول خزاين للعطور
والأرض تتكهرب ويحصل عندها ..
حالة زهول
ترفض تلف وتتقلب على بعضها ..
كل الفصول
أصعب معادلة عرفتها
كل عنصر فيها بيضم العناصر كلها
تهت ف طلاسم سحرها
وانا اللى عامل فيها
فى الحب الخبير
فزورة لو صممت أعرف حلها ..
باتعب ..
ومش باعرف كتير !
أجمل جبين
والورد ونجوم السما ..
فى المملكة .. متحيرين
لو تبتسم
تبكى الأغانى م الفرح
لو تبكى يبكيها البكا..
والحزن يسكن دمعتى ..
واعطش حنين
نظرتها بحر وموجه بينادى الغريق
والجفن خيمة م الدهب
والرمش حارس ..ع الطريق
والخد لولى والنعومة معركة..
بين القرنفل والحرير
أما الشفايف ..
مسك متدوب فى نار
والنكهة خمرة معتقة
معصورة من شهد الخجل ..
والحمرة راية .. إنتصار
والشعر ثورة ..
من ليالى ومن عبيد
تاج المحيا ..
صورة حية م الأصالة ..
وانتصارات الجديد
موجة على رقبة نفرتيتى الجميلة مهفهفة
موهوبة سبحانه اللى واهب حسنها
مرسومة أجمل حاجة حد يحسها
ع الكتف وشم
وشامة فص من الياقوت
وإيديها مهد وكفها من رقته
خلى الجواهر نفسها ..
تسكن صوابعه وتتملى..
بيها الشوارع.. والبيوت
وف صدرها ..
أحلى الجناين .. جنتين
رمانة جنب التانيه والنبت اللى طارح ..
حبتين
والضهر كوكب وردى ..
وعنيه الفضا
والخصر غصن بينحنى ..
بالعدل ملو الكفتين
والبطن أحلى مخدة من ريش النعام
راحتى ودوايا والأمل ..
فى الإنسجام
دنية مفاتن .. علمت قلبى الهوى
والوقفة .. تعظيمة سلام
أجمل غزالة ومشيها ..
فى القلب عامل مهرجان
رجليها مرمر ..
والخطاوى زلزلت بيا المكان
والكعب ماسى والصوابع ..كهرمان
متقسمة ..
والقسمة حق وحقها ..
غالى وكتير
والفن ساكن فى الأماكن كلها
والحسن مفعولها الخطير
هيّ اللى دورت بكيانى عنّها
وف حضنها ..
بانسى الدقايق ..والسنين
رمز البراءة والجراءة..
والشقاوة والدلع
واللعب بعقول الضحايا المغرمين
لو تلتفت..
كل النسايم تلتفت
والجو يتحول خزاين للعطور
والأرض تتكهرب ويحصل عندها ..
حالة زهول
ترفض تلف وتتقلب على بعضها ..
كل الفصول
أصعب معادلة عرفتها
كل عنصر فيها بيضم العناصر كلها
تهت ف طلاسم سحرها
وانا اللى عامل فيها
فى الحب الخبير
فزورة لو صممت أعرف حلها ..
باتعب ..
ومش باعرف كتير !
