حكــــــــايه كذب
حكايه كذب داخل كذب
حكاها شعب وامله يعيش حياته مرتاح
ويعرف معنى حريه كطير عايش بالف جناح
اتارى الكذبه عملتله فى جسده جراح
وشاف الطير طيور خارسه
وعايشه فى عشه بجناح مكسور
وصاحب العشه كان عمده
وله من الحاشيه الف غفير
برابر العشه بتتمشى شافت على الغصن فيه عصفور
امل خدها تهز جنحها جايز تطير
وتعرف معنى حريه ليجى الدور يخدها غفير ويدبحها
هرج فى العشه بان له صوت زحام على الباب عايزه تفوت
وقف هلفوت بكرباجه ولم اصحابه وبداء الخوض
وكام كتكوت عليهم فات عجل حنطور وحضر الموت
ودخل العشه كام عرسه وقاصده فيها تتمشى
تنقى الحى والصاحى تلمه وبيه تتعشى
والبياضه ادارت فى خوص العشه ونامت
ومهتمتش ان غابت تبيض بيض بصفار مسموم
ويجى اليوم تكون عشوه فيها السم فى البطون يعوم
وياخد عمده وحاشيه مهى القصه ( بتاع فرعون )
وتخرج بره العشه فى ملك الله لو هتصوم
حكايه كذب داخل كذب
تسلينا ونكته تنسينا اللهموم
