يمكن مرة أتذكر
-----------
هتفيد بايه
كل القصايد لما أموت
و ضجكى وحزنى ف حروفى
و خوفى من جهات فاسدة
و لما أرسم دموع كاذبة
ف أشعارى
و شطرة تزور المعنى
بصورة من خيال أرعن
و أتفرعن و أنا المسلوخ
بكرباجى
نعاجى كلها هجت
فى أحلامى
بتدور على الخضرة
ف جفاف عمرى
و أنا على هيئة الأنسان
عكازى سنين راحت
وعجزى من سنين جية
أشوف الحسن ولا أعرف
أقول الله
يمكن مرة أتذكر
كتبت حروف سموها
قصايد شعر
و أنا الشاعر بأحزانى
كما الزانى فى بيت الله
و أموت مرجوم بحروفى
و تفاهتكم
