الرئيسية » » ياريتنى فضلت صغيّر | مصطفى شحاته

ياريتنى فضلت صغيّر | مصطفى شحاته

Written By هشام الصباحي on الاثنين، 22 يونيو 2015 | 12:31 م

ياريتنى فضلت صغيّر
-----------------------
لما كنا صغيّرين
والعمر كان قدامنا
يسابق خطاوى السنين
ويرسم لينا أحلامنا
عشنا اّيام الحنين
عشقنا كل أيامنا
بقينا غنوه للعاشقين
والكون بيعزف ألحانّا
-----------------------
كبرنا وكبرت مشاكلنا
وتاهت فينا الحلول
الزمن راح يشاكلنا
وغابت عنا العقول
ولما زادت مشاغلنا
والفكر بات مشغول
جانا أمل يغازلنا
خدعنا بكلام معسول
------------------------
عايش أنا متحيّر
بين هم وويل
ياريتني فضلت صغيّر
ولا قاسيت الويل
الزمن ليه اتغير
ونايل مني نيل
سؤال غريب يحيّر
هد فيّا الحيل
-----------------------
عايش ويّا أحلامى
يمكن يروق البال
صابر على اّيامي
راضى بعذاب الحال
مين يرحم اّلاّمي
ويجاوب ع السؤال
ولاقي الحياه قدامي
واغني ليها موال

التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.