صندوق ورنيش
فُرْشه
كوكتيل الوان
كرسي قديم سنداه الروح يالكام مسمار
ساكنين القلب بدون ما يدق الصبح شاكوش
ف تابوت العجز
و الايد السابحه ف سِبحة بحر الخوف
من مِعْده تنادي بوحشه لطعم الفول
فتنول
كَلَبوشْ فى الحلق الصامت رغم صراخ الكف النازف حيره
البنت اميره
قاعده بتمسح دمعه
جوه عيون الصبر القاسي
بس ايديها علی الصندوق
بتبيع بَسْمات
و بتمسح جزمة
من غير لازمه بتلمع
زي الچِلْ ف راس البيه
زي حاجات من كتر الوهْج الساكن فيها
لازم تبهت
كنت بْوجَع الفقر سامعها و هي بتحمد زي العاده
رب كريم
بنت بريحة الورد بتحلم
زي بنات الكون بعريس
طرحه و حنه و زَفَّه و ناس
لكن كاس العجز بيسكر بعد ما يشبع بالاحزان
مش انسان
إذا مر عليها و لا سَلِّمش
ع التباريح الساكنه الوش بدون ورنيش
يابو الريش
ان شاالله ما عِشْتْ
و لا علی الفرش الناعم نمت
و لا حجيت في الصيف بتسبح
باسم مارينا
و اتوضيت بعيون تتمشی ف شرم الشيخ
يابو الريش العار محاوطنا
مرسوم علی جدران البيت
بنت بتكتب جوه الدفتر
فُقَرا يا كل المش عارفين
ان العِفَّه ف عُرف العَزَّه
اسمى و اطهر
من ضحكتم فوق شفايفكم
ناقصه الملح
علشان خاطري
بَطَّل ترسم جوه ملامحي
قُلَّه و فُلَّه و غنوه وبيت
أنا مليت
و انت امبارح كنت نويت تقرا لي الكوثر
و انا صَلَّيت
ربك قَسِّم بينا الرزق
بين الصحة و بين العقل و بين المال
حبه بنين و شوية حُسْن
و كبشة فال
بس البنت و غصبن عنها حظها مال
رسمت لوحه فقر تنرفز
خط حياء علی لون سيريالي ف بسمة حاره
قاعده توزَّع فی الاحمال علی سن مراهقه
شَهَقت شَهْقه بحجم النيل
كَنَسِتْ شارع جامح جداً
بالورنيش
يابو الريش ان شاالله تحس
و تعرينا من الاحزان ..
فُرْشه
كوكتيل الوان
كرسي قديم سنداه الروح يالكام مسمار
ساكنين القلب بدون ما يدق الصبح شاكوش
ف تابوت العجز
و الايد السابحه ف سِبحة بحر الخوف
من مِعْده تنادي بوحشه لطعم الفول
فتنول
كَلَبوشْ فى الحلق الصامت رغم صراخ الكف النازف حيره
البنت اميره
قاعده بتمسح دمعه
جوه عيون الصبر القاسي
بس ايديها علی الصندوق
بتبيع بَسْمات
و بتمسح جزمة
من غير لازمه بتلمع
زي الچِلْ ف راس البيه
زي حاجات من كتر الوهْج الساكن فيها
لازم تبهت
كنت بْوجَع الفقر سامعها و هي بتحمد زي العاده
رب كريم
بنت بريحة الورد بتحلم
زي بنات الكون بعريس
طرحه و حنه و زَفَّه و ناس
لكن كاس العجز بيسكر بعد ما يشبع بالاحزان
مش انسان
إذا مر عليها و لا سَلِّمش
ع التباريح الساكنه الوش بدون ورنيش
يابو الريش
ان شاالله ما عِشْتْ
و لا علی الفرش الناعم نمت
و لا حجيت في الصيف بتسبح
باسم مارينا
و اتوضيت بعيون تتمشی ف شرم الشيخ
يابو الريش العار محاوطنا
مرسوم علی جدران البيت
بنت بتكتب جوه الدفتر
فُقَرا يا كل المش عارفين
ان العِفَّه ف عُرف العَزَّه
اسمى و اطهر
من ضحكتم فوق شفايفكم
ناقصه الملح
علشان خاطري
بَطَّل ترسم جوه ملامحي
قُلَّه و فُلَّه و غنوه وبيت
أنا مليت
و انت امبارح كنت نويت تقرا لي الكوثر
و انا صَلَّيت
ربك قَسِّم بينا الرزق
بين الصحة و بين العقل و بين المال
حبه بنين و شوية حُسْن
و كبشة فال
بس البنت و غصبن عنها حظها مال
رسمت لوحه فقر تنرفز
خط حياء علی لون سيريالي ف بسمة حاره
قاعده توزَّع فی الاحمال علی سن مراهقه
شَهَقت شَهْقه بحجم النيل
كَنَسِتْ شارع جامح جداً
بالورنيش
يابو الريش ان شاالله تحس
و تعرينا من الاحزان ..
