الرئيسية » » كشك سجاير | مامون الحجاجي

كشك سجاير | مامون الحجاجي

Written By Unknown on الاثنين، 18 مايو 2015 | 7:20 ص

كشك سجاير
********
قلبى زى كشك السجاير
اللى فى اخر شارعنا
مقفول من زمان
وصاحبه ناسى يفتحه
كان الصغار
لما بيلعبوا استغمايه
بيروحوا يتخبوا وراه
دايما ف اخر الليل
كل الناس ليها بيت
ترجع اليه
وأول ما يهل الشتا
تتحامى فيه
الا هو
دايما واقف لوحده
ليلاتى يبكى
من غير ما حد يحس بيه
ساعات المطره تغسلنى
تونسنى وأنا خايف من العفاريت
وحيد قلبى زى الكشك
قاغد بيتمنى
لو حتى حد
ييجى يسرقه
المهم يحس انه
حد فاكره والسلام


التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.