محمد الشرقاوي
عجب
يالا بقي قوم اختشي
زهقت انا من الشفتشي
العدس قالع جبته
والفول كمان ايه لزمته
ورك الحمار فتة عال
واللحم صخر
لكن قادرة بطونا تفتفته
درويش وسارح بضحكته
صوت القفا علي قفاه سابق قفيته
زمن الغراب لما تاه
سمع عصفور بيقلده
في نعقته
حلف الغراب ليوم يدوسه
ما يخليه في سكته
الدود بينخور في السيقان
خد الطماطم عشته
والبامية قتلت بن الجيران
لما اتمعت وذلته
عيب بقي قوم اختشي
اخلع قميصك الشفتشي
حاول تلاقي اصل تـــاه
في قلب الزبالة جثتــه
مش هي دي يابني الحياة
لما الغني
يدوس الفقير بجزمتــه
يا آه وآه وألف لا
اكتمها في قلبك
اللي قبلك سجنته
ليه ترمي نفسك في الهلاك
عمر الاصفر الاصيل ما يشبهه
عدس خالع جبتــه
