محمد عطية محمد
(( حساني ))
( للحزن في قلبي مكان )
حساني ... .. ... ولا مستحيل أكون حبيبك
فهماني ... .. ... ولا صعب أبقى في يوم نصيبك
قلبي اللي حبك مش هيبعد .. . .. عن طريقك
هفضل احبك واعشقك .. . .. عمري ما اسيبك
ازاي تغيبي وتبعدي .. . .. عني تروحي
بعدك هموت ... .. .... والبعاد زود جروحي
حسي بهوايا ... .. .... ولهفتي ورديلي روحي
حبك في قلبي ... .. ... هو نبضي وانتي روحي
شوقي واخدني تترسم صورتي .. . .. في عنيكي
صعب الفراق ياحبيبتي .. . .. قلبي في ايديكي
وكل لحظه تفوت عليه .. . .. بعشقك واشتاق اليكي
قلبي اللي دايب في الهوي .. . .. قربني ليكي
قلبي اللي حبك مش هيبعد عن حبيبه
قلبي اللي حبك انتي قدره وانتي نصيبه
