الرئيسية » » مولد زحمة | محمد عطية محمد

مولد زحمة | محمد عطية محمد

Written By Unknown on السبت، 11 أبريل 2015 | 5:19 م


مولد زحمة
محمد عطية محمد



رباعيات الأحزان (( المولد ))
( للحزن في قلبي مكان )

مولد زحمة شوارع فيها الخلق بتمشي بالطوابير


اللي ماسك في إيده شخشيخة واللي بيفرح بالطراطير

واللي بيجري على المراجيح فاكر هي بساط الريح

جرب نشن فتح عينك تاكل ملبن الله يعينك

يالا السيرك تعالى وشوف كله يابا ع المكشوف

عروسة البحر واسمها زينه نصفها سمكة وهي حزينة

نسمع سوى كلنا حكايتها نعرف إيه هي قصتها

يالا اضحك على البلياتشو تعالى شوف نكته تعالى شوف نتشه

تعالى وقرب يا بلادينا .. . .. وإنتي ياست وإنت يا أخينا

كل الناس تايهين في الزحمة ... .. ... أصل المولد مافيهوش رحمة

كله تايه وسط المولد .. . .. كله بيفرح جوه المولد

إشي نشال نصاب وحرامي ... محدش طايق فينا التاني

واللي يعاكس في الستات ... زحمة وكل شيء متاهات

وأدي فلاح والتاني صعيدي ... عمال ينده على هريدي

وأدي حلقات ذكر الله ... مدح نبينا رسول الله

وأدي حلابسه وبتاع كبده ... وأدي بيفرق فتة ولحمة

واللي يجيب حمص وحلاوة ... واللي يدفي روحه بعباية

وأدي حلاق والتاني مطاهر ... واللي يبوس في مقام الطاهر

كل الناس تايهين في الزحمة ... .. ... أصل المولد مافيهوش رحمة

كله تايه وسط المولد .. . .. كله بيفرح جوه المولد

التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.