الوطن !!!
مكي دياب
الوطن !!!
أنا جاى أقول كلمتي ....... وأنطقها من تانى
أنا نصي مسلم ....... ونصي التانى نصراني
أحمد يعلى البني ........... وعيسى معاه باني
واللي يحاول كده ............. يبقى البعيد فاني
........
والرب واحد ........... وكله في حضني بمودة
وبيناتنا شعرة معاوية ... ده برخية وده بشدة
وميدناتى تنده ... واجراسى تلم الكل ف مخدة
والنيل ب يجرى نجاشي .... ولخيره جاب واده
........
وكنايسى جابية المحبة ...... وجوامعي تتوضى
والدلتا جامعة الصبايا ....... بالروقية م الخضة
ف الأصل ناسي دهب .... مش فالصو ولا فضة
وتاريخنا قال كلمته : ....... ولا فينا راس وطي
.............
واسمع يا ناوي البلاوى ...... أحنا نسيج ملموم
وإذا منا عضو أشتكى ......... الباقي له مهموم
ما الطينة أصلا أصيله .... ولا فيها فرس وروم
وأدى رايتي مكتوب عليها بحدة يا غرب الشوم
.................
