جبان يا حلم
محمد البلاط
جبان يا حلم
جبان يا حلم الامل
وفراشه كان مسمار
مدهون بزيت مسموم
محمى فى جمر النار
خايفه عيون البشر
لحظه عليه لتنام
خايفه مراودة حلم
كبد يقول عطشان
خايفه بلسان الحق
ينطق يقول تعبان
خايفه وخوف سلسله
وعليها مية سجان
جبان يا حلم الامل
ضاع مننا فى احزان
فينا اللى مال وانحنى
وفينا اللى كان دهان
وفينا اللى خوفه اتعمى
من قهره جالو جنان
رفع ايديه للسما
للواحد الديان
جبان يا حلم الامل
و فراشه كان مسمار
مدهون بزيت مسموم
محمى فى جمر النار
