الاسم والعنوان
مدحت عطية
الأسم
حزنان تايه حيران
ده إسمى أنا
بس جدى
كان إسمه .. إنسان
كان حصاده
أد زرعه
كان ياما عليه الزمان
ما كانش يعرف يقلع
ما كانش يعرف .. أحزان
السن
مفيش سنين
أيام راحت
وجايه .. أيام
ليالى نمت فيها
مخنوق فى حلقى .. الكلام
كل دمعة بيوم
يبقى عمرى ؟
إكتبوه .. أيام
الوظيفة
أعيش أد عمرى
أد ماييجى النهار عليا
أد ليلى وسهرى
أد ما تفتح .. عينيا
ورقه مستنيه
الخريف
عجوز .. كانت صبية
العنوان
على الأرض فى مكان
بين البشر
فى شكل .. إنسان
وإن إتغير هتلقانى
تحت الأرض فى أمان
ويافطة فوقى
مكتوب عليها قبر
حزنان تايه حيران
