خلاص ماتت
محمد البلاط
خلاص ماتت
خلاص ماتت يا عيد متجيش
باقى من الريحه
كام قرصه وطبق قراقيش
وباقى هدوم وسريرها وياريته يعيش
وسرنجه ودوا خدها وكان مغشوش
واصبر نفسى بقدرها ووجه بشوش
ونفسي داخلى مكسوره
بطببها بعيش وغموس
وكل لقمه ببلعها داخلها موس
خلاص ماتت يا عيد متجيش
تزيد الهم جوايا
وداخلى الهم فيه حكايه
حنان الام ضاع منى
وشايف نفسى فى مرايا
بقيت بلا ريش
خلاص ماتت يا عيد متجيش
