الرئيسية » » الحب هنا ...أسألوني أنا | محمد عبد العليم

الحب هنا ...أسألوني أنا | محمد عبد العليم

Written By Unknown on الثلاثاء، 17 مارس 2015 | 8:31 م


الحب هنا ...أسألوني أنا
محمدعبد العليم


الحب هنا ...أسألوني أنا ....شعر محمدعبد العليم 

مهما كان الليل طويل...طويل...

ولا قمر لا نجوم لاشمع ولاقنديل....

بكره جاي ....شايفه جاي ...


بنهار جميل ......ونور وضي......

ودفا الشمس...وقت الأصيل....

والقلب المليان أحزان بالحنان...

زي وردالأغصان يعشق ويميل.....

وينسى الويل....وظلم الليل .......

والبلابل والعصافير بالحب من غصن لغصن تطير...

وتشيل الخير وتجيبه .. لحبيب داب في حبيبه ... 

وفي عز لهيبه ..من نار تعذيبه.....

لا بكى ولا يوم شكى من قسوة تعذيبه ......

كان صابر دايما ويقول دا نصيبه ..وراضي به..

والليل أهو راح وطلع له صباح .....

والقلب ارتاح وماعدتش جراح بتصيبه ......

ولا ليل ولا ويل والروح بتروح لاحبابها .....

والجنه الحلوه فتحت أبوابها .....

والأفراح هاله ويا الزهور الطاله ع الحبايب والعشاق ..... 

والابتسامه علامه ع الوجوه الحلوة وعيون المشتاق .....

واللى كان من زمان محروم من المحبه والحنان النهارده فاق 

لما داق بعد اشتياق طعم الهنا ..نسي عذاب طول ألف سنة...

وأقول لكو إيه ع الحب ...الحب كله في قلبي أنا .....

ودا حبي أنا .. وأنا بعد الليل وطول الويل .أنا دقت الهنا .

والحب دا كله ...حبي أنا ...

واللي ربه يحبه يزود في حبايبه ....

يا ناس حبوا ..وعيشوا وأتحابوا ....

دا الحب هنا ...أسألوني أنا ..... 




التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.