رغم صدك
محمد البلاط
رغم صدك بعشقك
من قلبى حبى بيندهك
واتوه فى كلمه لو تقولها واسمعك
مش عشان زعلت منك اودعك
من قلبى حبى بيندهك
وافرد حنينى على الطريق
اللى يوصل مسرحك
واشعل قناديل الفرح
وافتح ستاير الامل
وابدأ طقوسى فى معبدك
وافرش ورود فى جنتى
و البس قميص من لهفتي
يظهر حنينى وشوقى ليك
من قلبى حبى بيندهك
رغم صدك بعشقك
انت امانى وفى كيانى
يا حلم عمرى بعشقك
يا دم يجرى فى الوريد
ولو اشوفك من بعيد
يكون لى عيد ونبض قلبي
طفله فى فستان جديد
و رغم صدك بعشقك
و من قلبى حبى بيندهك
يا شهريار قصتى
بهمس الحنين
سكنت قصر محبتى
وعليت عرشى ودنيتى
رغم صفوف العاشقين
ولبست تاج الحب
وصباحنا اسطوره فى زمن
اسطوره تحكيها السنين
و رغم صدك بعشقك
و من قلبى حبى بيندهك
وافرح بكلمه لو تقولها واسمعك
الليل ضنانى من السهر
وتعبت من كثر السفر
وتعب الفراق بيجزنى
حتى الانين بيهزنى
و أتون ناري فى غربتك
انا اللى دايبه
ولهفتى اكثر كثير من لهفتك
و رغم صدك بعشقك
و من قلبى حبى بيندهك
