لهفه وحيره
لهفه وحيره ... حبى العنيد
سامع كلامها والسكات . حاسس ألمها والآهات
بدور عليها فى كل زهره من الزهور
وبانده عليها وهى رافضه للظهور
ليها ولـ لمسة إيديها ممنوع قلبى من المرور
على ضحكه من شفايفها عايش دنيتى
على لمسه من حبيبتى تداوى علتى
على كلمه واحده بس منها
ترسم فى قلبى إسمى حاضن إسمها
كلمة حبيبى مره واحده مش كفايه
قوليها تانى وإسعدينى دى مره واحده مش كفايه
فيكى إنتى دوبينى دى مره واحده مش كفايه
ليكى إنتى بيكى إنتى يلا عيشى وعيشينى دى مره واحده مش كفايه
بس إوعى تزعلينى وتقوليلها مره , دى مره واحده مش كفايه
حبيتى أنا باعشق النور اللى شايفك
والهوا اللى ف طريقه عدى من مابين شفايفك
حبيبتى رغم بعدك عن عيونى إلا إنى شايفك
أيوه شايفك
