لأنى ضعيف
محمد حسين الزين
أنا الفاقد وأنا المفقود. أنا فى الدنيا مش موجود . أنا المغرم بأهوائى أنا . متيم بشئ مرفوض
أنا السارق وأنا المسروق . أنا فى الزحمه دى مخنوق . ومش مرتاح ولا معتوق . ونفسى مره بس أفوق
أنا الظالم وأنا المظلوم . ظلمت الكل علشانى . علشان مصلحتى وأمانى . وعلشان أفضل عايش هانى . من الأخر..... أنا أنانى
أنا العايش فى بئر حرمان . أنا من دنيتى متهان . أنا الميت فى جسم سليم . أنا المقتول بقالى زمان
أنا الآخد وأنا المحروم , أنا من حالى واحوالى فى ليلى نهارى أنا مصدوم
أنا لوحدى اللى بتألم . ومن خطأى لا يوم بفهم ,ولا من جرحى باتعلم
أنا الغشاش باغش الناس . وبانقل ليهم الفكره بلا إحساس . لا مره رضيت على نفسى . ولا مره علمتها الإخلاص
انا القلقان .. حياتى كدا . بلا إطمئنان
أنا الخاين ومش باين
أنا الكائن اللى قالوا عليه.. بنى آدم
لكن حيوان
#أنا_الشيطان ومالى أمان
أنا المتهم بإهمالى . انا المسرف فى أموالى
أنا المذنب أنا العاصى . أنا الغرقان لتاج راسى . فى كل دقيقه فى أحوالى
أنا الفاشل وقالوا عنى ده مثالى !
أنا عمرى مايوم حسيت .. برضا نفسى على حالى
أنا إنسان بقلب ضعيف .. أنا نفسى أبقى مره شريف .. وعقلى ينتبه للصح .. وفكرى يبقى فكر نضيف
لأنى ضعيف .
