خليك جنبي ماتغيب عليا
مازن
خليك جنبي ماتغيب عليا *** راني رقيق العزم ياغاليه
خليك ديمه وافي * كيف العسل للروح حلو صافي
ماتسيبني ع الجمر نمشي حافي * خلي امواجك دوم في شاطيه
ف مركب ابروحك ناقصك مجدافي * انشاءالله مع ليام تقسم ليه
اياك يامحبوب *تبعد علي وتقولي مكتوب
خليك جنبي ماتخون الصوب * عشقتك وحبيتك بجد ونيه
بعد مانشوفك نرتخي ونذوب * كيف دوبه السكر ف وسط اميه *
ماتغيب وتودعني * راني رقيق العزم ماتفجعني
ع الراس ديمه ياحبيب ارفعني * انت حياتي وراحتي النفسيه
صون الغلاء وبخطوتك تبعني * انكمل معاك العمر وليك تحيه
اياك ياغالينا * ساعه اتعدي وماتسال علينا
انت قمر وناس في ليالينا * مانتركك مادام عيني حيه
كاس المحبه من ايديك اسقينا * نارك اتلهلب ف الكنين قويه
ياسمح ف التبسيمه * حبك ملكني من سنين قديمه
يانور قلبي وجنته ونعيمه * انت النظر للعين وانت الغيه
النيه ابيضت والقلوب سليمه * ياورد ومنور اوقات عشيه
