خطفوا السيجارة ...
محمد عبد العليم
أنا ماشي فى الحارة ....
وفي إيدي سيجارة .....
والبنت زكيه ...
جوه العمارة .....
بتشاور ليا.....
ورا الستارة ....
واغمز بعنيا .....
لكن يا خسارة .....
طلعوا الحرامية ......
طلعوا عليا ....
عاملينها غارة ........
يجيي ألف ومية.....
خطفوا السيجارة ...
رحت البلدية...
راكب سيارة.....
وأنا عازم النية ...
حالم بسيجارة .....
واتاريني هفية ....
ضربوني بحجارة ...
وعملت قضية ......
وأديت أوصاف وكام ألف أمارة......
لكن الحرامية ....
كسبوها يا خسارة .....
والبنت زكيه .....
هربت م الحارة .......
وسابت لي هدية .....
كام عقب سيجارة ....
ودي أحلى هدية ...
من أجمل جارة .......
على حسب النية .....
سيجارتها عمارة ...
وآ ه من الحرامية .....
لو ناس كوبارة ....
ماهي وسية .....
لناس جبارة .......
لابسين جلابية ...
وياقات منشية ...
لكن حرامية .....
سرقوا السيجارة......
يا خسارة يا خسارة.....
مش ماشي تاني ....
ولا رايح الحارة ......
ومهما أعاني .....
ما ح أرد زيارة .....
لو .. حد ...جاني.....
وأداني سيجارة ....
وحلفت كمان .....
ما أشرب دخان ....
ولا أمسك بإيدي سيجارة
