حبيبك علمك
محمدعبدالرحيم
حبيبك علمك
تبقي كدا ..
غير في قلبك
وفي حياتك
كل دا
خلاكي بعده
تبيعي إحساسك
بإيه
قلك عشان ماتعيشي
لازم تجرحي ..
قلك بدمعة
حد حبك تفرحي
وانا قد قلبي
ماخاف عليكى ..
بخاف عليه
..........
إللي في عينيكي
قريته ليه ..
بتكدبيه
لا الضحكة دي
م القلب ولا
الدمعة دي ..
حتى الكلام الحلو
من قلبك ساعات ..
بيعدي خايف ..
بين شفايف
كدابين
إحساس بيجرح
فية حبك
كل يوم ..
إحساس بيبعد
بيكي عني
لحد فين
وانتي في عينيا
بصورة تانية
بتبقي مين
قلك عشان ماتعيشي
لازم تجرحي
قلك بدمعة
حد حبك تفرحي
وانا قد قلبي
ماخاف عليكى ..
بخاف عليه
..........
حبيبك خلاكى تبقى كدا إزاي ..وايه اللى فضل منك بعد كل دا ..لا القلب الطيب بقى موجود ..لا الروح الجميلة بقت زي الأول ..لا العينين الجميلة اصبحت تشوف الدنيا صح ..هو يعني علشان جرحك ..لازم تقلديه وتجرحي كل اللى يحبك ..ولاعشان ظلمك تظلمى زيه ..ياخسارة ..مش قادر اصدق إزاي الكيان الجميل ده .. يبقى كدا ..وإزاي ضميره يسمح له إنه يبقى ..حد تاني ..
