قلت ليه كده
اشيل بنفسي واحط ودماغي من الافكار بتفط
مش لاقي ليها شط الناس بتقول الفقير منحط
الفقر قالو عليه خط ولازم تتحمل زعيق وشخط
هما ياكلوا وز وبط واحنا نعيش ايامنا بفقر وقحط
ونتعب لحد مانلاقي جنيه نروح نستلف من البيه
شوف مستحملين قد ايه والفقر بيعملنا كده ليه
مفيش لينا اي فرصه ان بيوم ندخل فيه البورصه
ونكسب زي البيه اصله تملي ناصح بيفتح عينه
احنا ياعم لسه غلابه وهما تعالب واسود وديابه
دنيتهم ياعم غابه حراميه قروض و شله عصابه
ليه تملي بفقري اتعير والفقير راح يفضل صغير
وليه عمري بالحياة قصير ليه علي النهايه بدور
واعيش تملي بفكر متغير وعقلي يبقي متحير
واتعب بدنيتي والحظ متدير مفيش فرصه يتغير
خليك يابني شريف و حتي لو مش لاقي رغيف
ولا بيوم تعيش بالتخطيف وحتي لو بتنام خفيف
الدنيا كلها كدب و زيف الشاطر يطلع منها نضيف
والعدل دايما زي السيف بيقطع رقبه اي ضعيف
