الحدث
الجميل فى ولاد بلدنا لما يحصل الحدث
اللى يصرخ والى يصمت واللى على الارض برش
واللى يفتى الف فتوه واللى يضرب الجرس
واللى يعمل فيها عارف وماشفش الحدث
اخترعنا لينا بصمه معروفه وفى كل ازمه
انا فاهم انا عارف وابن خالتى بعينه شايف
وانا عندى كثير كياسه ومحلل فى السياسه
والليمون بطلت ابيعه وهانتخب وامسك رياسه
كله فاهم كله عارف ورغم انى بعينى شايف
الجميل فى ولاد بلدنا لما يحصل الحدث
معروفين ولاد نكته لو هدومنا تخر حزن
اللسان ما بيتخرص
والغلط بالف كذبه نحلله ونمسك جرس
وصلونا للسبنسه والهنود بيجروا فينا
والحبال فى ادينا عاصيه تتسحب وتلين معانا
وكنا فى الماضى فى هظارنا الهنود المسخه لينا
فين وصلنا منين جينا وصلونا للمهانه
والجميل فى ولاد بلدنا لما يحصل الحدث
بمكرفون فى اعلى ماذنه وفى الكنسه بالجرس
كلنا فاهمين سياسه
وعندنا حل الحدث
