الرئيسية » » فارس من ورق | شعر: مجدى عبد الرحيم

فارس من ورق | شعر: مجدى عبد الرحيم

Written By هشام الصباحي on الجمعة، 12 يونيو 2015 | 5:09 ص

فارس من ورق
شعر: مجدى عبد الرحيم

(1)

بتخربشينى أنا
ومعاهم ليه أليفه
العيب فيا أنا
ولا إنتِ فعلاً مُخيفه
(2)
إنطفَى نور الوفا
والعيون ماشيه ..
ف عتامه
والخلاص محتاج صفا
قبل ماتقوم القيامه
(3)
زى صوت القطر
وقت الخطر بيصيح
ياهل ترى سامعين
ولا الطرش ده صحيح
(4)
فارس من ورق
لاجهاد ولاعرق
عَامل فعلاً كبير
لكن .. بس على الورق
(5)
جوَّه جبال الصمت
كاتم أنا ألمى
ومهما أكتب شعر
إيه راح يفيد قلمى
(6)
يا خزاين عمرى ..
العمرانه
بتراب الأرض
مين باع النجمه ..
السهرانه
لكلاب الأرض
......................
من ديوانى " لسه بيعشق طير العصافير "
هيئة الكتاب .. عام 2012 م
التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.