كوباية القهوة علي القهوة
مش زي القهوة اللي حنانِك
بيدوب جواها بلمسة إيد
أو لما يقرَّب نَفَسِّك حبة من الفنجان
ما تجيبي نَفَس كده ولا اتنين
يتشالوا معايا لوقت ما اروح اشرب فنجان
ف كافيه أو قهوة .. عشان يحلَيَ
أهو حاجه تونّسني بروحك
ما هو يعني طبيعي الصبي ف القهوة حطب شيشة
مش زي السحلب يتدحلّب ويحس بقلبك ويدفيه
القهوجي عمره ما هيقوللي :
يا حبيبي انا غيرت من الفنجان
اكمنك بوسته ف كام شفطة
أو حتي يقوللي بألف هنا ، وتتمني كمان ؟
أو يجي يحط إيديه بشويش
علي كتفي ويحضن ف رقبتي
ويقع فنجاني ف حضن بيشبه للجنة
فبلاش تتحججي ع الفاضي
وتقولي : حبيبي غلط تسهر
وابقِي اعملي فنجان القهوة
بـ سكوت عارف معني الشهوة !
مش زي القهوة اللي حنانِك
بيدوب جواها بلمسة إيد
أو لما يقرَّب نَفَسِّك حبة من الفنجان
ما تجيبي نَفَس كده ولا اتنين
يتشالوا معايا لوقت ما اروح اشرب فنجان
ف كافيه أو قهوة .. عشان يحلَيَ
أهو حاجه تونّسني بروحك
ما هو يعني طبيعي الصبي ف القهوة حطب شيشة
مش زي السحلب يتدحلّب ويحس بقلبك ويدفيه
القهوجي عمره ما هيقوللي :
يا حبيبي انا غيرت من الفنجان
اكمنك بوسته ف كام شفطة
أو حتي يقوللي بألف هنا ، وتتمني كمان ؟
أو يجي يحط إيديه بشويش
علي كتفي ويحضن ف رقبتي
ويقع فنجاني ف حضن بيشبه للجنة
فبلاش تتحججي ع الفاضي
وتقولي : حبيبي غلط تسهر
وابقِي اعملي فنجان القهوة
بـ سكوت عارف معني الشهوة !
