محمد البلاط
خلاص هنساك
..........................
مابين جحدك ونسيانى
وذكرى فى قلبى كويانى
بتنسانى وما بنساك
ماكنتش فى انتظار وعدك
لكن عشمى كان فى صدقك
وما تمنتش دوام الحال
لكن املى كان احساسك
وكلمة حب مش كافيه
بهمسه واهتمام منك
ولمسة حب تكون دافيه
احس صحيح بانك عرفت الحب
لكن جحدك ونسيانى
وذكرى فى قلبى كويانى
بتنسانى وما بنساك
نزعت العطر من روحى
ورغم انينى وبوحى
قتلت العشق وجروحى
بتتسلى بيها فى هواك
والف قصيده لحنينى
نطقها لسانى وعينى
واصبر نفسى واستناك
لكن جحدك ونسيانى
وذكرى فى قلبى كويانى
بتنسانى وما بنساك
واقول جايز فشل منى
وغيرتى وشكى وحبى
وتقليبى فى كف ايديك
وعينى الزايغه بتابعك
سبب هجرك لقلب شريك
وجايز جهل فى قرأتك
لمعنى الانثى وشريكتك
لكن جحدك ونسيانى
وذكرى فى قلبى كويانى
بتنسانى وما بنساك
فقدت فى الرجال ثقتى
ويكفى القصه وسيرتى
ولو فكرت فى يوم فيهم
يكون مجروح يا فى متحف
يا قصه عليا تهفهف من الماضى
واحلم ان انا عبله
وعنترا لى قاعد فاضى
واعيش الوهم يكفينى
لكن جحدك ونسيانى
وذكرى فى قلبى كويانى
بتنسانى وما بنساك
واعذر مجنونه فى هواك
ومات العشق واللهفه
من اليأس خلاص هنساك
تغيب غيبتك وبستناك
ولو حبيت تعيش ماضى
فى كل ساعاته بترجاك
فى ذكرى حبنا قلب
وعيش وحدك خلاص هنساك
