محمد مفتاح
بيبان التوبه
بيبان التوبه مفتوحه
بتستني اللي يدخلها
بذنوبنا قلوبنا مجروحه
بنتمني نتوب منها
يارب التوبه ونصوحه
تقدرنا أن نعملها
ساعات العمر محسوبه
يارب ارزقنا بالتوبه
وقدرنا نكملها
اهدينا ليها بقدرتك
وعن الذنب جملها
قصدك يافاتح الأبواب
عارف ان كرمك مالوش حساب
والدعوه مني مافيهاش حجاب
انا بس ادعى
وانت بكرمك تستجاب
نجينا من يوم العذاب
بيمينا نستلم الكتاب
هون علينا في الحساب
يارب عبدك جالك وتاب
وعمر ظنه فيك ماخاب
أرحم قلوب كلت
خلاص مليت
بقيت م الذنب مجروحه
ولو كل البيبان قفلت
بيبان التوبه مفتوحه
