هنا يسكن الضباب
محمد البلاط
هنا يسكن الضباب
فين يا فرح طريق قلوبنا
اسأل الحزن عليه
لو تحاول يوم تجيلنا
تلقى الف جرح فيه
تلقى حب مكملش
تلقى ظلم ربى كرش
تلقى شاهد زور وواقف
منتظر راشوه وقرش
تلقى طفل بيبكى ابوه
اللى خرج ما رجعش
تلقى على بابنا جحش
عقله خيله انه وحش
تلقى جوه البيت زهور
مخطوفه من قلب نور
حاوطوها بسلك وصور
واللى داخل ما رجعش
تلقى فيه احبال رقاب
تحتها ضلفه لباب
واللى ينطق الحقيقه
منها يتسجل غياب
لو تفكر يوم تجينا
المدينه مش مدينه
ناسها انيابهم كبيره
والاظافر شبه حافر
مصنوعه بس لخراب
نار فى عنهم من جهنم
الحنان منهم عذاب
وكلمه مكتوبه عليها
هنا يسكن الضباب
فين يا فرح طريق قلوبنا
اسأل الحزن عليه
