هتتعافي
محمود عمار الزلبانى
هتتعافي
بلاش بكي دمعك فطر قلبي
دا انتي العزيزة وانتي كمان
حبي
بقي لك سنين
دمعك ع الخدود
يجري
ودمعك يا طاهرة
كان سبب اسري
اصبحت اسير حبك
وف حبك خلصت انا صبري
انا عايز اقولك كلمة
في سقف الحلق
مخنوقه
انتي سبب دمعك
وانتي محقوقه
ما فرقتيش ما بين
الردى وأبو نية مسروقه
ولا بين الخسيس
اللي مناه
يشوفك بحبل مشنوقه
واللي مثل عليكي الحب
وانتي محروقه
زود عليكي النار
وعامل نفسه
بيطفي
ومن ناره قولتي
اتحرق كفي
مع ان ناره بارده
ما طلعت في يوم
دخان
واللي قال انتي
في قلبي
وقلبه حجر
صوان
راسم ع العيون ضحكة
ويتمني يغرقك
احزان
واللي يوسوس في ودنك
كما الشيطان
خناس
باعك ف لحظة
من غير سوق
ولا ناس
واللي سابك وراح يكدب
كدبة عبت
الكراس
واللي في سوق الرجال
ما يسوي حتي
مداس
ارجوكي فوقي وروقي
وارجعي تاني
دا انا في حبك
عمري ما كنت
اناني
انا منك وليكي
مهو انتي
عنواني
حنانك وصمتك وحزنك
وحضنك
هو اللي خلاني
اقولك انتي السبب
وفاكرك
لو حتي نسياني
لو كان السبب زمنك
اترملي منه
وانسي خلفته
الشينه
وحادي علي البقين
لو طب فيهم عطب
مش كلهم وحشين
لو عارفه انه السبب
اترملي منه
وطمني خلفته
الزينه
نفسي ترجع للعيون ضحكة
ويرجع وشك الفرحان
يامصريا غالية
يا معلمة الانسان
فن الحياة والامل
يا جنة الرحمن
امسحي دمعك بمية
نيلك الدافي
ولا تخافي
بامر الله
هتتعافي
