وأنا إتغريت
محمد حسين الزين
وأنا إتغريت
أنا مش ملحد ولا زنديق
أنا مؤمن جدا بالله
بس شيطانى واخدنى صديق
تايه ومتوهنى معاه
كل مابمشى لوحدى طريق
فجأه الاقينى ماشى وراه
كل ما بابعد عنه وأسيبه
ابص الاقينى قاعده وياه
انا مش ملحد ولا زنديق
ولا كافر بأيات الله
انا فى حياتى عصيت وجنيت
أصلى ضعيف أقسم بالله
دنيا غروره وانا إتغريت
فيها ياريتنى ياريتنى ماجيت
عايش فيها كأنى عبيط
ياما كرهت وياما حبيت
ياما كرهت وياما حبيت
