الرئيسية » » ليكى منى 12وعد | محمد حسين الزين

ليكى منى 12وعد | محمد حسين الزين

Written By Unknown on الخميس، 23 أبريل 2015 | 3:10 م


ليكى منى 12وعد
محمد حسين الزين


ليكى منى 12وعد
لو كنتى سعيده بالبعد
والعند كدا قصاد بعض 
ليكى منى 12 وعد
إن انا مش هارجع تانى 
ولا حتى هاقول واحشانى 
ولا شوقى إليكى واخدنى 
ولا هجرك ليا كايدنى 
ليكى منى 12 وعد 
إن الصور انا هاحرقها
ولا هارجع تانى اعلقها
بحر النسيان غرقها
ولا حتى فاكر اسمائها
ليكى منى 12 وعد
إن الذكرى انا هانساها 
وإن الفكره يا محلاها
نعشق فنقرر نبعد
وتسيب الناس فى آساها
وإننا مانكونش لبعض
ولا نعرف هنا ولا سعد
وده كله وأما بعد
حبك ده مرض كان معد
ليكى منى 12 وعد
إن الدفى بين أحضانى 
بعدك رح يبقى جليد
وإن حن لقربك تانى 
هاسكت مانا عارفه عنيد
هاوعد .. وانا دايما باوفى 
انا راضى كدا ومستكفى 
لو لسه بقى هاتتشفى 
انا قلبى ضيائه ما بيطفى
ودايما رح أحاول أسامحك
وهاسيب للعبره ملامحك
لو فاكره إنك مختفيه 
انا فين ماتكونى انا لامحك
انا فين ماتكونى انا لامحك




التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.