ام بتناجى الاله
محمد البلاط
منسيتش صوت فيه بحه
رغم قسوته وجراحها
ام بتناجى الاله
لاجل ضناها اللى بعها
ورغم قسوته وجحده
بعده عنها كان وجعها
صوت بتظهر فيه جراحها
بتدعى رب فى سماه
احفظه ويعودلى سالم
ومهما ذاد منه قساه
ارزقه ويعود لى غانم
قلبى سامحه وفداه
وارفعه درجات سلالم
ومن بحور الهم نجيه
يعديها ويجيلى عايم
واطوى طى الارض تحته
وهىء الدنيا لراحته
ولو قسى طول السنين
ومن الغضب ادعى عليه
واكره اللى يقول امين
منسيتش صوت فيه بحه
لام بتناجى الاله
لاجل ضناها اللى بعها
