لازم اضحك ،،،،
مازن
ولازم اضحك لجل اعيش
عشان اعيش عيشة حلال
فقير غنى ما يهمنيش
ليلى ونهارى بكون شغال
علشان اجيب لقمة العيش
للهم طول عمرى شيال
قاعد وفرشتى ريس مالى
بلون بيها احلامى
بضحك تضحك لى ايامى
ترسم لى بكرة قدامى
ما انا لازم اعيش
والا عشان بتاع ورنيش
ايوه صحيح انا طفل صغير
لكن الرجولة مالهاش عمر
شوفت ف حياتى هم كبير
ودوقتنى الدنيا المر
لكنى بضحك
بضحك ع اللى ملهوشى مكان
بضحك على احضان بضم
ايام ماكانت عايشة الام
بضحك على اوطان بضيع
بضحك على موت طفل رضيع
بضحك فرح او بضحك حزن
بضحك على اجراس بترن
حن بقا ع المحروم حن
انا بشتغل وبجيب القرش
وغيرى مش قادر م القرش
بضحك وقلبى بيتالم
ساكت وشقايا بيتكلم
م الدنيا لسة انا بتعلم
ادارى الاها جوه سكات
واضحك والدمعة ف عيونى
لكنى بضحك
