قلت بحبها يابه
محمد جمعة
قلت بحبها يابه
صوتها زي الربابه
حبها حولين قلبي غابه
دي أجمل واحده في قلبي
قالي بتحبها قدين
وعرفتها ازاي ومنين
وهي وحدها ولا في غيرها
واحدة أو تنتين
قلت حبتها بقلبي
ومنحتها حبي
وهتجوزها
لو رضت بغلبي
قالي حلال عليك يابني
قلي مين هيا
واسمها ايه
ونروح لأهلها في ثانيه
قلت مش هينفع يابا
لأن احنا فيها
واسمها مصر
وبحاول أطلب ايديها
قالي تطلب ايديها
تطلب ايديها ازاي
هتغنيلها يعني
ولا تعزف ناي
قلت احاول اخليها اولي
تكون أجمل دوله
ونرفع ادينا
احنا اهل دي الدوله
قالي ازاي ياواد
دا انت شعرك عقيم
وان كنت بتقول حاجه
متزدش ع الميه والبرسيم
وكمل احنا عايزين ناكل عيش
ومفيش جدع بيعيش
بجدعنته ف البلد دي
غير يتهبل ويبقي درويش
وكمل مانت لو مشيت صح
هتشوف الغم
تشوف عيل بيسب دين
تشوف شيخ بيضرب أم
قلت انا راضي يابا
في طريق الحق اتجن
دا الجنه يابا تمنها غالي
والعبادة هخليها فن
ولو كنت أساسا عادي
التميز مش محتاج خارق
دا الاراده وحدها
تنجدك بعد ماكنت غارق
اصل الموده مش محتاجه بغدده
والأمور عمرها ماكانت موحده
وعمر البدايه ماتبقي رقم واحد
بس احنا دايما ارادتنا مزوده
