يعنى إرتحتى
محمدعبدالرحيم
يعنى إرتحتى
..........
مش كانت برضه
تقوللى
ياغالية ساعتها
عينيكى ..
إن دى إخر مرة
هشوفك فيها ..
وإن إيديا
ماعادش
حتلمس تاني
إيديكى
ولا يوميها
ماهانش عذابى
دقيقة عليكى
وإللى قالوا لى
ماكنتش أبدا
عايز أسألهم ..
أو يحكولى
حزني وهمى ..
دمعى وألمى
ليه سبتيهم
دول يحكولى ..
ليه دلوقت
بيبكوا علية ..
أو يبكولى
..........
يعنى إرتحتى ..
يعنى خلاص
أيامك عدت ..
بعدت .. راحت
طب ليه
سايبة في قلبى
الدمعة
حزينة عشانك ..
عمر الدمعة
في عينى لبعدك ..
يوم ماإرتاحت
..........
معنى الموت
أنا أول مرة
أشرب من كاسه
كنت بحسه
فى كل كلامك ..
كل سلامك
وفي تنهيدك
ياما قابلته
ياما سمعت مابين
أنفاسك ..
صوت أنفاسه
كنتى ساعتها
وإنتى بتبكى
بتحسينى ..
كنت ساعتها بكدب
نفسى
وأرجع أصدق
ألاقى الآهة
في نفس معادها
بتستنينى
..........
ببقى لوحدى ..
تعالى شوفينى
بس حتبكى ..
لو تشوفينى
ياتقابلينى تجينى
ياعندك ..
بقى تاخدينى
ياتقابلينى تجينى
ياعندك ..
بقى تاخدينى
..........
حبيبتى الراحلة ..ياترى أنا حقدر أتحمل كل الحزن دا ..وأنابعيد عنك ..ولاحقابلك قريب ..
