أنا موش ها أسكت
مازن
أنا موش ها أسكت
نفسى أمد إيديا في قلب الدنيا
و آخد حقى
زى ما مدت إيدها
و سرقت بكره و أمس
زى ما فرضت طوق حوالينا
و حجبت عنا نور الشمس
زى ما خنقت فينا الكلمه
و خلت صوتنا بيهمس همس
زى ما قتلت فينا البسمه
و الإحساس حتى باللمس
ها آخد حقى
موش راح أقبل منها الظلم
موش راح تقتل فيه الحلم
موش راح تسرق منى أمالى
موش راح أرضى بشرب السم
موش ها أقدر أسكت و اتألم
موش راح أقول فيه شئ بيهم
أنا ها أتكلم و أرفع صوتى
صوتى ها يبقى عالى و عالى
و كمان ها أصرخ موش راح أسكت
لازم ترجع أحلى ليالى
لازم تانى تعود أيامى
و الشمس تنور من تانى
و قمرنا ترجع لياليه
و تتحقق أبسط أحلامى
أصل زمانى سبقنى و راح
و يا ريت لو ترجع أيامى
