كدا كفاية
سمعت الآه
كتير منك ..
كدا كفاية
مانيش قادر
على جرحك ..
بيكسر
حاجة جوايا
وأنا قلبي
يلاقيها منين ..
دموعك ..
وإنتى وبكايا
عذابك صابنى
سامحينى ..
وكل الدنيا
ويايا .. بتسمعلك ..
وبتقولك ..
كدا كفاية
كدا كفاية
..........
يابنت الناس
أنا حاسس
بجرحك ..
بس حعمل
إيه
ماأنا زيك ..
أنا قبلك ..
معود روحي
قلبي عليه
لكني بحاول
أتمرد ..
على الحاضر
ولو مرة ..
ولو حتى
بخيالي أعيش ..
دقيقة ..
ماأحسهاش
مرة
..........
بتبكى وخايفة
ليه من إيه ..
مادا المكتوب
لابأدينا
ولا إخترناه
دعانا الغيب ..
وجينا يادوب
عشان نقراه
وأنا قلبي
يلاقيها منين ..
دموعك ..
وإنتى ..وبكايا
عذابك صابنى ..
سامحينى
وكل الدنيا
ويايا
بتسمعلك ..
وبتقولك ..
كدا كفاية ..
كدا كفاية
..........
مش كفاية بقى .. بكا وأحزان ..هوه إحنا أتولدنا علشان الأحزان والدموع ..إللى حصل حصل ..ليه نبكى ع الماضى حتى لو كان الماضى ده .. من دقيقة واحدة ..لازم نبص قدامنا ولو مرة واحدة ..الأرض بتدور ..وحتفضل تدور ..مش حتقف أبدا ..صدقينى ..إحنا إللى واقفين في مكاننا ..بقالنا كتير ..وجه الوقت علشان نتحرك ..أنا معاكى ..وبحبك ..وحفضل أحبك ..وحنعدى ..صدقينى حنعدى ..ولازم نعدى ..عارفة ليه ..علشان بنحب بعض ..ولقينا بعض
