ابتسمت لما وصلت لاول طريقي
محمد عزت عبد الحافظ
ابتسمت لما وصلت لاول طريقي .....
ممكن علشان هو ده الشىء الحقيقي ....
ان اعيش في الدنيا اجري .....
ان انزل ع الرزق بدري ....
اني احس بنفسي حقيقي .....
اني حددت اخيرا طريقي ....
##############
سنين قاعد بعد التخرج ....
اقابل اصحابي ع القهوه نخرج ....
واحد خطب والثاني سافر وانا بتفرج .....
سنين ليلي نهار ....
خانقني قعادي وحاسس بانهيار .....
انترفيو ورا التاني ومافيش اخبار ....
وكل ما أزرعها ورد تطلع خيار ....
############
وبعد سنين طويله ....
وشوق وقلق وحيرة ....
وطول انتظار ....
رن اخيرا موبايلي ....
ايوه الحظ ابتسلمي .....
وعرفت اول طريقي ....
وفرحت صحيح حقيقي .....
بعد سنين انتظار ....
ودخلت خلاص برجلي ....
اول شغلانه بخطي ....
###########
ويوم ابض المرتب.....
وجيبي مليان مربرب ....
حطيت ايدي بطبطب ....
افتكرت امي وابويا ....
والواد ميدو اخويا ....
اوام لاجدعها مول .....
وجبت حاجات كتيرة .....
لابويا وامي واخويا .....
امال ما انا ابن اصول .....
#############
وفجأة طار المرتب ....
ومالحقتش أحس بمكسب .....
وقابلت البت فيفي .....
بنت جارنا عفيفي .....
بصلتي من فوق لتحت ...
وقالتلي خليك مؤدب ...
أوام على أبوها أجري ....
من كسوفي بقرقد ضوافري .....
جوزني يابا عفيفي .....
جوزني البت فيفي ....
##############
قعد أبويا عفيفي ....
يستف ورقه ويطلب ....
ده طلب مهر غالي ....
وشابكة بسعر خيالي ....
وفيفي تبص لحالي ...
وتقول ادفع يا خيالي ....
بصيت لجيبي المشطب ....
اللي عاش ثواني مربرب ....
وفكرت في كلام عفيفي ....
لقيت يادوب المرتب .....
يجيب لحافين وشبشب .....
##############
أخدت ديلي في سناني .....
ياعم أنا ايه رماني ....
قولت ياواد إقلب ....
ومن الجوازة إهرب ....
ولقيت القهوة قاعدة ....
مكانها بتستناني ......
##############
